Senin, 18 Juni 2012

FALSAFAH-UMPAMA-UMPASA


FALSAFAH-UMPAMA-UMPASA

Tulisan dibawah ini merupakan ungkapan kebiasaan-kebiasaan Adat Istiadat orang Batak sehari-hari.

Tulisan dibawah ini, disesuaikan dengan ungkapannya, agar lebih mudah dibaca dan dimengerti.
Contoh bhs aslinya; patungtang ditulis disini patuktang;  dapothononthon ditulis disini dapottonotton;
Bintang ditulis disini bittang; Dangkanai ditulis disini DakkanaiTinanda ditulis disini Tinadda dll..

Masyarakat Batak mengenal umpasa:
"Ompunta naparjolo martungkot salagunde.  Adat napinungka ni naparjolo sipaihut-ihut on ni na parpudi",

Umpasa (pantun, puisi, aforisme?) itu sangat relevan dengan falsafah “dalihan natolu, paopat sihal-sihal” sebagai sumber hukum adat Batak.
Di sisi lain, masyarakat Batak juga mengenal umpama (pepatah).

Beda umpasa dan umpama bisa disarikan sebagai berikut:
- umpama dan umpasa sering punya sampiran
- umpama dan umpasa dapat dibedakan berdasarkan isi
- umpama dapat dikatakan bersifat "statis", sedangkan umpasa bersifat "dinamis"
- umpama merupakan kiasan (dari berbagai umpama sebagai besar menggunakan kata songon, artinya:   
   seperti, ibarat, dan istilah lain yang sejenis.
- diantara sebagian umpasa berisi puisi yang memiliki makna yang dalam.

Itulah tiga falsafah hukum adat Batak akan menjadi pedoman dalam kehidupan sosial yang lestari dalam tatanan adat sejak seseorang lahir sampai meninggal dunia.


FALSAFAH ; ima songon tudosan ni situa-tua, jala na boi gabe poda.

UMPAMA ; ima hata tudosan hampir mirip tu Falsafah ni natua-tua.

UMPASA ; ima songon pantun (Hata parjolo patorangkon hata parpudi)
alai sasintongna hata pasu-pasu doi songon tangiang, asa pasauton ni Amanta Debata,
ai ganup namanghatahon Umpasa (pasu-pasu) ingkon tongtong do diojakkon dibagasan rohana, na Debata do silehon pasu-pasu.

Molo mandok Umpama unang hata (isi) ni Umpasa didok,
jala sebalikna molo mandok Umpasa unang ma hatani Umpama didok,
asa taparrohahon ma i molo mandok Umpama manang Umpasa.

Contoh;
FALSAFAH
U/. Contoh suri tauladan
Dijolo raja si eahan, dipudi raja si paimaon
[Didepan sebagai penuntun, dibelakang sebagai pengayom].
Hormatilah para tetua dan yang layak dihormati.

U/. Perwakilan
Sada silompa gadong, dua silompa ubi,
Sada pe namanghatahon, Sudema dapotan Uli.
[Seorang memasak singkong, Yang lainnya memasak ubi.
Walaupun seorang yang mewakili, tapi sudah semuanyalah kita ikut serta].
Permusyawaratan /  Perwakilan menuju kesejahteraan.


U/.  Pertanggungjawaban
Pitu batu martindi, sada do sitaon nadokdok
 [Tujuh batu bertindih, hanya satu yang menahannya].
Harus ada yang bertanggungjawab.
Jujur do mula ni bada, bulus do mula ni dame
[Saling menyalahkan awal pertengkaran, ketulusan awal kedamaian]

U/. Keterusterangan
Siboru puas, siboru Bakkara, molo dung puas sae soada mara
[Keterusterangan adalah awal kedamaian]

U/. Awal bertindak
Sungkunon poda natua-tua, sungkunon gogo tu naumposo
[Belajarlah kepada yang lebih bijak, bertindaklah secepat orang muda].

U/. Penjelasan mencapai tujuan
Purpar pande dorpi, jumadihon tu rapotna.
[Tukang yang sedang membuat dinding menimbulkan hiruk-pikuk, tapi akibatnya papan-papan dinding menjadi rapat].
Dalam permusyawarahan acapkali pertengkaran hebat membuat tercapainya hasil yang memuaskan.

Tubu simarimbalo, dilambung simarhalosi.
Tongka do siripe, manjalo na so umboto mamalosi.
[Pantang hanya tahu menerima dan tidak tahu membalas].

Molo godang pinanutan, godang ma harharam.
[Bila banyak menerima, harus juga banyak memberi imbalan].

Niarit tarugi porapora, molo tinean uli teanon ma dohot gora.
[Kalau kita telah menerima untung dari sesuatu, maka kita harus juga siap sedia menanggung risikonya].

Natoras na tutu, mengkaholongi ianakkonna,
ianakkon na tutu, pasangap natorasna.
Orangtua yang benar ialah yang mencintai anak-anaknya ,
dan anak-anak yang benar ialah yang menghormati orangtua.

Agia pe lapa-lapa asal ditoru ni sobuon, agia pe malap-alap asal ma dihangoluon,
Ai sai na boi do jolma partalaga, muba gabe parjoluon.
Biar miskin dan menderita tidak mengapa, asalkan bisa terus hidup,
karena selama masih hidup, tetap ada harapan mendapat perbaikan nasib.

Hotang do ragian, hadang-hadangan pansalongan
Sihahaan gabe sianggian, molo hurang sinaloan.
Anak sulung menjadi anak bungsu, kalau kurang pengetahuan.

Hotang bine be be be, hotang pinulospulos
Unang iba mandele, godang do todus-tudos.
Janganlah berputus asa, di dunia ini banyak orang yang sama penderitaannya dengan kita,
banyak kejadian pada orang lain yang dapat dijadikan cermin.

Tumburni pangkat, tu tumburni hotang
Tusi hamu mangalangka, disima hamu dapotan.
Kemana kamu melangkah, disitulah hendaknya kamu mendapat rezeki.

Hotang hotari, hotang pulogos
Gogo ma mansari, nadangoldo na pogos.
Berusahalah sekuat tenaga, karena kemiskinan itu identik dengan penderitaan.

Manat mardongan tubu,  ingkon um-manatan mardongan sabutuha
Berperilaku baiklah dengan teman semarga, tapi harus lebih hormat lagi terhadap sesama.
[Hormatilah yang patut dihormati].

Tinaba hau toras, bahen sopo di balian,
Na burju marnatoras, sai na dapotan parsaulian.
Orang yang mengasihi orangtuanya dan selalu melayani mereka sebaik-baiknya,
akan mendapat segala yang indah-indah.

Nilangka tu jolo, sinarihon tu pudi. 
Melangkah ke depan, perhatikan juga hari kemudian.

Hatop adong pinareakna, lambat adong pinaimana 
Cepat ada yang dikejar, lambat ada yang dinantikan.

Tampukni dambibir do i, na soboi tu panggonggonan
Parjaha-jaha dibibir do i, parpustaha ditolonan
Dia itu hanyalah pembaca-baca di bibir dan pemilik pustaka di kerongkongan.
Katanya yang indah itu hanya di bibir saja dan bukan cetusan hati nurani; ilmu yang dianggarkannya hanyalah karangan belaka.

Agatna do agat Dairi, imbalona imbalo pege
Hatana do mapultak gambiri, patna so malo hehe.
Kata-katanya membuat pecah kemiri, tetapi kakinya tidak bisa bergerak.
Mulutnya banyak cakap, tetapi tidak berani bertindak.


Ingkon songon poting, lam marisi lam so marsoara.
Harus seperti perian, makin berisi makin tak bersuara.
Manusia itu, makin berilmu makin sedikit bicara.

Tabo ni juhut sahat tu mudar,Tabo ni hata olat ni bulung ni pinggol.
Enaknya daging (gulai) meresap sampai ke dalam darah, tetapi enaknya kata-kata hanya sampai ke daun telinga saja.
Kata-kata yang kedengaran enak, biasanya tidak berharga, dan acapkali menipu.

Rupa ndang tarpangan, pangalahodo na tarpangan.
Rupa tak dapat dimakan, tetapi kelakuan dapat dirasakan.
Rupa yang cantik tak dapat memberikan kebahagiaan yang kekal, tetapi kelakuan dan perangai yang baik akan membuat bahagia.

Sala ma uli, sala ma denggan, songon sanggar di robean
Seperti pimping yang tumbuh di lereng bukit, salah karena kecantikannya.
Kecantikan manusia itu kerapkali mengakibatkan kebinasaannya.

Pili-pili soban, unang mapilihu, so tung gabe so dapotan. 
Seperti memilih-milih kayu bakar, karena terlalu memilih akhirnya tak memperolehnya.

Maos di pangalmisan, songon bira nasa botohon.
Seperti keladi gatal, banyak dicoba makan, tapi tak pernah tertelan.

Pidong tinadda sian imbulunya, Ia jolma tinanda sian pangalahona.
Burung dikenal dari bulunya, manusia dari perbuatannya.

Na dangol ni andung do ahu, na siak panomuan.
Selalu menangisi kemiskinan dan selalu menderita kepedasan dan kegetiran dunia.
Selalu dirundung malang.

Jolo tinaha garungniba, jolo niantan sulangatniba.
Haruslah lebih dulu disukat isi perian kita dan ditimbang berat alat penangkap ikan kita.
Timbang dahulu kemampuanmu, tenagamu, dan kecakapanmu.

Bau so jolo busuk, bari so jolo masak.
Berbau busuk tetapi belum dalam keadaan busuk, basi  walaupun belum masak.
Tidak disukai siapa pun walaupun belum nyata kekurangannya.

UMPAMA
Hotang bine-be-be-be, hotang nipulos-pulos
Unang hamu mandele, ai godang do tudos-tudos.

Dangka do dupang, Amak do rere
Ama do tulang, Anak do nang ibabere.

Sinuan bulu, sibahen nalas,
Sinuan uhum, sibahen na horas.

Manuk ni pealangge, hotek-hotek laho marpira,
Nasirang marale-ale, lobian na maten ina.

Pago-pago taruge, pauk-pauk hudali
Angka nasala pinauli, angka na denggan ni ulahi.

Manat unang tartuktuk, dadap unang tarrobung
Sebelum melakukan sesuatu lebih baik di teliti dulu situasi apa yang mau dilakukan

Jolo nidodo, asa ninonong.
Jolo tinaha garung niba, niantan sulangat niba
[Sebelum melakukan sesuatu lebih baik kalau kita menyadari kemampuan diri sendiri]

Aek godang tu aek laut, dos ni roha sibahen na saut.
[Musyawarah untuk mufakat]

Balittang ma pagabe, tumandakkon sitandoan
Arinta ma gabe, molo marsipaoloan
Kita akan mendapatkan keberhasilan jika seia sekata

UMPASA
" Torop do bittang di langit, si gara ni api sada do
Torop do si boru nauli, tinodo ni rohakku holan ho do".
[Banyak bintang di langit, hanya satu yang paling terang,
Banyak gadis yang cantik, pujaan hatiku cuma dikau seorang].

Bittang ma narumiris, tu ombun nasumorop,
Anak pe riris, boru pe torop.

Tubu ma hariara diholang-holang ni huta, Dakkanai tanggo pinar ait-ait hon,
Tubu ma di hamu anak na marsahala dohot boru namartua, sitongka panahit-nahiton.

Turtu ma ninna anduhur, Tio ma ninna lote,
Hata nauli nadenggan naung dipasahat hamu
Sai unang ma muba, unang mose.

Si titik ma si gompa, Golang golang pangarahutna,
Tung songon on pe sipanganon na tupa di jolonta on,
Sai godang ma pinasuna.

Jolo tinittip sanggar, Umbahen huru-huruan,
Jolo sinungkun marga, Asa binoto partuturan.

Napuran tano-tano, Rangging marsiranggongan,
Tung pe badanta padao-dao, Tondinta ma marsigomgoman.

Tubu ma halosi, di dolok ni Pintu batu,
Hami do na mangulosi, Debata ma na mamasu-masu

Sahat-sahat ni solu ma, Sai sahat ma tu bontean,
Nunga sahat hita mangolu, Sai sahat ma hita on hagean.

Martahuak ma manuk, di bungkulan ni ruma,
Horas ma hula-hulana, songoni nang akka boruna.

Simbora ma pulguk, pulguk di lage-lage,
Sai mora ma hita luhut, huhut horas jala gabe.

Hariara madungdung, pilo-pilo na maragar.
Sai tading ma na lungun, ro ma na jagar.

Sinuan bulu, sibahen na las,
Tabahen uhum, mambahen na horas.

Eme ni Simbolon, parasaran ni si borok,
Sai horas-horas ma hita on, laos Debata ma na marorot.

Sititik ma sigompa, golang-golang pangarahutna,
Tung so sadia pe naeng tarpatupa, sai anggiat ma godang pinasuna.

Pinasa ni Siantar, godang rambu-rambuna,
Tung otik pe hatakki, sai godang ma pinasuna.

Tuat si puti, nakkok sideak,
Ia i na ummuli, ima ta pareak.

Aek godang, tu aek laut,
Dos ni roha, sibaen na saut.

Napuran tano-tano, rangging marsiranggongan,
Badan ta i padao-dao, tondita i marsigomgoman.

Marmutik tabu-tabu, mandompakhon mataniari,
Sai hot ma dihamu akka pasu-pasu, laho marhajophon akka na sinari.

Bona ni pinasa, hasakkotan ni jomuran,
Tung aha pe dijama hamu, sai tong ma dalan ni pasu-pasu.

Mandurung di aek Sihoru-horu, manjala di aek Sigura-gura,
Udur ma hamu jala leleng mangolu, hipas matua sonang sora mahua.

Dolok ni Simalungun, tu dolok ni Simamora
Salpu ma sian hamu na lungun, sai hatop ma ro si las ni roha.
[Tu Pangapulion]

Amporik marlipik, onggang marhabang,
Gabe parboli na otik, laos gabe do parboli na godang
Ai namandanggurhon tu dolok do, molo basa namarhula-hula

Janji urat ni eme, tu laklak ni simarlasuna, 
Adat na denggan na so ra sega, uhum na uli na so ra muba i, 
asa manumpak ma Tuhanta i, sinur ma pinahan, gabe na niula, jala horas hita.

Martumbur ma baringin, mardakka ma hariara,
torop ma hamu maribur, matakkang ma juara.

Sai marrongkap mai songon bagot, marsibar songon ambalang,
jala sai masigomgoman ma tondi ni nasida tu na tama.

Dangka ni hariara ma, pinangait-ngaithon,
Tubuma dihamu anak dohot boru,  sai unang ma panahit-nahiton.


Balittang ma pagabe, tumandakhon sitaddoan,
saut do hamu gabe, asal ma tontong masipaolo-oloan.

Dangir-dangir ni batu ma hamu,  paddakdahan ni simbora,
Gabe do hamu jala sarimatua, asal ma sai marsada ni roha.

Ai na tinapu salaon, salaon situa-tua,
Denggan ma hamu masianju-anjuan, asa saut gabe jala sarimatua.

Sai situbu laklak ma hamu, situbu singkoru, di dolok ni purbatua,
sai tubuan anak ma hamu, tubuan boru, donganmuna sarimatua.

Hariara na bolon, bahen parlape-lapean,
Sai tubu ma di hamu anak dohot boru, na bolas pangunsandean.

Bagot na mandung-dung, tu pilo-pilo marajar,
Tading ma antong na lungun, sai roma na jagar.

Sahat-sahat ni soluma, sahat tu bontean,
Sahat ma hamu tu parhorasan, sahat tu hagabean.

Tuatma na dolok, martukkothon salaguddi,
adat ni oppunta na uli, si ihuttonon ni nadi pudi.

Sinuan bulu, sibahen nalas,
Sinuan uhum, sibaen na horas.

Muba dolok, muba duhutna,
muba luat, muba do tong adatna.

Eme na masak digagat ursa , ia i namasa ima di ula.

Aek godang aek laut, dos niroha sibahen nasaut

Sori manungkun, sori mandapot,
Sai na marpanungkun do tutu, tu na nidapot.

Tangan do botohon, ujungna jari-jari,
Bangko nihata si dohonon, asal ma jumolo marsatabi.

Ramba na poso, na so tubuan lata,
halak na poso, na so umboto hata.

Tampuk ni sibaganding, di dolok ni pangiringan,
horas ma hamu na marhaha maranggi, sai masi pa iring-iringan.

Bola-bola ni tangan, sitokka i bolahonotton,
bola-bola ni halak, sitongka i tangihonotton.

Tinallik randorung bontar gotana, Dos do anak dohot boru, nang pe pulik margana,
ai dompak marmeme anak, dompak do tong marmeme boru, andung ni anak sabulan di dalan, andung ni boru sataon.


Habang leang-leang songgop tu parapian,
Bolak ni rosu angka na marpariban, sai masitopot-topotan, songon pidong leang-leang.
Na niida ni mata, paula so niida, na binege ni pinggol, paula so ni bege.

Pir ma tondi madingin, Horas tondi matogu
Mamora hamu madingin,  Leleng ma hamu mangolu

Tampulan sibaganding,  Diatasna pangiringan
Tung gabe nama hamu saluhutna,  Tondi muna sai masi pairing-iringan

Sinuan hariara bahen partungkoan ditonga nihuta, Sinur ma napinahan tugabena naniula
Nadihuta unang marmara, Horas-horas ma hamu Sasude tumpakon ni Tuhanta Namartua

Takki ma jala walang,  Galinggang jala garege
Tubu ma anak partahi jala ulu balang, Dohot boru maduma jala pareme

Tubu ma sanggar di holbung-holbung,  Tubu arung di honuk-honuk
Tubu ma dihamu anak namalo marpollung, Dohot boru namalo marsonduk

Tubuan lak-lak tubuan sikkoru,  Di dolok ni purbatua
Tubuan anak tubuan boru,  Dongan muna saur matua

Andorris ma andorras,  Didolokni lobutua
Torkis-torkis ma horas-horas,  Jala dapotan tua

Pinattikkon hujur,  Tu juluni topian
Horas ma hamu saluhut,  Jala dapotan paccarian

Bagot namadungdung,  Tupilo-pilo namarajar
Daoma nalungun, Sai roma najagar tu joloan on

Balittang ma pagabe, Tumuddalhon sitadoan
Ari mu ma gabe,  Asal ma hamu masipaolo-oloan

Dakkani sitorop,  Pinangait-aithon
Tubuma anak dohot boru,  Sitongka panahit-nahiton

Bittang ma narumiris, Ombun nasumorop
Anakpe riris,  Borupe torop

Eme si tamba tua ma, parlinggoman ni si borok
Amanta Debatado Silehon tua, saluhutna ma hitaon diparorot.

UMPASA SIAN DONGAN SAHUTA


UMPASA SIAN DONGAN SAHUTA
Sambilma tartondong, dapotan ampapaluan
Asa denggan martondong, unang masipamaluan

Lubuk Sigura-gura, denggan do panjalaan
Molo mangido hulahula, olat ni na tarbahen ba tinambaan

Sinuan bulu, sibahen na las
Sinuan partuturan, sibahen na horas

Dolok ni pangaloan, hatubuan ni hau toras
Na masipaolooloan do, mambahen gabe jala horas

Marasar ma binsusur, di ramba di robean
Asa denggan martutur, naeng ma masipaunean

Tuat siputi nangkok sideak
Ia naumuli, i ma tapareak

UMPASA DI NA MARHATA SINAMOT


UMPASA DI NA MARHATA SINAMOT

Parboru Panise
Sai jolo dinangnang do, asa dinungnung
Sai jolo pinangan, do asa sinungkun

Buruk-buruk ni durung, parasaran ni sioto
Bangkona do manungkun, molo so binoto

Danggur ma danggur barat, toho tu duhut-duhut, ditoru ni singkoru
Nungnga bosur hami, mangan indahan na las, sagat marlompan juhut
ba hatana paboa hamu ma raja ni boru

Sande sige, tu bungkulan ni sopo
Bangkona do manise, molo so binoto

Dia ma nuaeng langkatna, dia unokna
Dia ma nuaeng hatana, dia nidokna

Paranak
Godang, sibutong-butong, otik sipir ni tondi
Tung so sadia pe na hupatupa hami, sai pamurnas ma i tu pamatang, saudara to bohi

Habang pidong halo-halo, didongani sitapi-tapi
Las ma rohamu manjalo, i dope na tarpatupa hami

Sititi ma sigompa, golang golang pangarahutna
Tung otik pe na hupatupa hami, sai godang ma pisanuna

Bulung ni dapdap langkop
Ba idope na adong, ba i ma taparhajop



Parboru
Bagot na marhalto ma, na tubu di robean
Horas ma hami na manganthon, sai martamba sinadongan, di hamu na mangalean

Tubu simarhora-hora, ditopi ni tapian
Sai ro ma tu hami silas ni roha, tiur nang pansarian

Bona ni aek puli, di dolok sitapongan
Sai tubu ma dihamu angka na uli, jala sai dor ma nang pangomoan

Inganan ni puli, di hauma salenggam
Sai marangkup do na uli, mardongan do na denggan

Ranting ni bulu duri, jait masijaotan
Angkup ni hata na uli, dia ma sitaringotan

Paranak
Pitu lili nami, pa ualu jugia nami
Na uli do nipinami, ai di jangkon borumuna do anak nami

Sapala na mardalani, unang ma olat ni Sigalangan
Sapala naung mangoloi borumuna, unang ma diparalangalangan
Sai jalo hamu ma anak nami, dongan ni borumuna sapanganan

Inganan masibulu, dolok ni sitapongan
Baranai pe hami manjumpai hamu, ndada ala godang ni sinadongan

Barita ni lampedang, mardangka bulung bira
Barita ni burjumu marboru, tarbege do ro didia

Amporik marlipik, onggang marhabang
Gabe do parboli na otik, gabe do nang parboli na godang

Aek godang do, aek laut
Dos ni roha do, sibahen na saut

Balintang ma pagabe, tumundalhon sitadoan
Arinta ma gabe, molo masipaolo oloan

Parboru
Pat ni gaja ma, tu pat ni roha
Pahompu ni raja do hamu, jala anak ni na mora

Tubu bagot di robean, tubu palia dilambung huta
Tarbarita do ompumu parompon sisegean, jala parpinahan pitu rura

Barita ni lampedang, mardangka bulung bira
Barita ni hamoraon muna, tarbege do ro didia

Pitu do nang lilinami, paualu ugianami
Na uli do nang nipinami, ai gohanmuna ma nuaeng hajutnami

Paranak
Madekdek ansoit tongon tu tarumbara
Unang dok hamu hami parholit, silehonon do soada
Niluluan tandok, hape dapot parindahanan
Tolap pamangan do nian mandok, alai ndang tuk jamaon ni tangan

Sai tu ginjang ninna porda, sai tu toru do pambarbaran
Sai naeng mamora do nian dipangido roha, Hape sai hapogoson do dilehon sibaran

Tubu antaladan, jonok tutadatada
Hansit do rajanami, tangan mandanghurhon na so ada

Tombak sulu-sulu, parasaran ni haluang
Hula-hula nabasa do hamu, na so mohop mida uang

Parboru
Songgop siruba-ruba, tu dangka ni ansoit
Ai anggo tu hula hula, ndang boi iba mangholit

Tombak di dolok-dolok, hatubuan ni suga suga
Na mandanggurhon tu dolok do, na mangalehon tu hula hula

Nidurung situma, laos dapot pora pora
Molo buas iba tu hula hula, na pogos hian iba ingkon gabe mamora

Tubu hau toras, di dolok ni Sitapongan
Ingkon gabe do hita jala horas, molo masipaolo oloan

Duru duru ni huta, panuanan ni salaon
Pnagidoan ni hula hula, dao do i juaon


UMPASA DITINGKI NA MARUNJUK


UMPASA DITINGKI NA MARUNJUK
Umpasa ditingki na marunjuk sude do angka umpasa na di namarhata sinamot boi dohonon alai angka on tambana

Tulang ni hela
Bulung na martampuk, bulung ni si marlasuna
Nungnga hajalo jambar tintin marangkup, dohonon ma hata pasupasuna

Hot pe jabu i sai tong do i margulanggulang
Tung sian dia pe mangalap boru bere i, sai hot do i boru ni tulang

Sai tong do i lubang nang pe dihungkupi rere
Sai hot doi boru ni tulang manang na boru ni ise pe dialap bere

Laklak ma diginjang pintu singkoru ginolomgolom
Sai maranak ma nasida sampulu pitu, marboru sampulu onom

Urat ni nangka ma tu urat ni hotang
Tu dia pe nasida mangalanka ba sai disi ma nasida dapotan

UMPASA DOHOT HATA PASU PASU SIAN PARBORU NI NA PASAHAT ULOS TU NATORAS BORU NI HELA


UMPASA DOHOT HATA PASU PASU SIAN PARBORU NI NA PASAHAT ULOS TU NATORAS BORU NI HELA
Ramba poso dope ito parumaenmi na so tubuan lata
Halak na poso dope parumaenmi, na so umboto agiaha

Marmutik ma lasiak dompak mataniari
Malo ma hot ito manganju parumaenmi arian nang bodari

Andor halumpang ma togutogu ni lombu
Sai saur matua ma itongku pairing iring pahompu

HATA UMPASA NI PARBORU DI TINGKI MANGULOSI AMA NI HELA


HATA UMPASA NI PARBORU DI TINGKI MANGULOSI AMA NI HELA
Dolok ni purbatua, jonok tu Siborotan
Sai saur ma hamu sarimatua, jala tiur nang pansamotan

Tubu ma tambinsu, ditoru ni pinasa
Sai torop ma tubu dihamu akka pahompu, nabisuk huhut nauli basa

Hau simartolu, ditombak ni Panamparan
Sai leleng ma hamu mangolu, dihaliangi angka pomparan

Eme na marbiur dilambung ni hariara
Sai matorop ma pomparan muna jala maribur huhut matakkang jala manjuara

HATA UMPASA NI PARBORU DI NA MANGULOSI HELANA DOHOT BORUNA


HATA UMPASA NI PARBORU DI NA MANGULOSI HELANA DOHOT BORUNA
Diginjangma ia ariarang, ditoru ia panggongonan
Badanmuna ma naso ra sirang, tondimuna sai marsigomgoman

Tangki jala ualang, galinggang jala garege
Sai tubu ma dihamu angka anak partahi jala ulu-balang, dohot angka boru namora jala pareme

Eme sitambatua, parlinggoman ni siborok
Sai dilehon Amanta Debatama dihamu tua, jala sai tongtong ma hamu diparorot

Sahat sahat ni solu, sahat ma tu Tigatas
Saurma hamu leleng mangolu, gabe jala horas

Aek sihoruhoru, tu sampuran Siguragura
Rap leleng ma hamu mangolu, gabe jala sarimatua

Binsar mataniari, poltak matani bulan
Sai tubuma dihamu akka boru na malo mansari, dohot akka anak na gabe raja panukkunan