UMPASA TINGKI MANGAPULI
Jotjot do tadok :
Tua na so taraithon, Soro ni ari na so tarhaishon
Alai dumenggan do dohonon umpasa
on :
Ramba ni Sipoholon, marduhut-duhut sitata
Las ni roha dohot sitaonon, sude do i sian Amanta Debata
Asa :
Hau ni Gunungtua, dakkana madagul-dagul
Tibu ma dilehon Tuhanta dihamu tua, jala tibu hamu diapul-apul
Poltak bulan tula, bissar ia mata ni ari
Tibuma ro tuhamu soritua, sikkatni sorini ari
Akkup ni i :
Hotang bine be-be-be, hotang pinulos-pulos
Unang iba mandele, ai godangdo tudos-tudos
Tamba muse :
Hotang bene be-be-be, hotangni sirikkiron
Unang iba mandele, ai godang dope sihirimon
On pe :
Dolokni Simalungun ma, tu dolokni simamora
Sai salpuma akka nalungun, hatopma ro silasni roha
Tidak ada komentar:
Posting Komentar